Kroacia ka kaluar në gjysmëfinale duke eliminuar Rusinë pas ekzekutimit të penaltive mbrëmjen e sotme (e shtunë).
Skuadra e trajnerit Zlatko Dalic ka kaluar për herë të parë në gjysmëfinale të Kampionatit Botëror që nga viti 1998 duke eliminuar nikoqirin e këtij turneu madhështor, shkruan portali arbresh.info.
Ndeshja shkoi në vazhdime pasi 90′ minuta lojë përfunduan me rezultat 1 me 1. Supergoli nga distanca i sulmuesit rus Denis Cheryshev në minutën e 31′ u mohua vetëm tetë minuta më vonë nga anësori Andrej Kramaric që barazoi shifrat për 1 me 1 me një gol të bukur me kokë pas asistimit nga Mario Mandzukic.
Pjesa e dytë e takimit në stadiumin Fisht Olympic nuk solli ndonjë gol, megjithëse Kroacia kishte një shans të bukur përmes Ivan Perisic.
Në vazhdime, Kroacia përmbysi rezultatin duke realizuar për 1 me 2 përmes mbrojtësit Domagoj Vida (101′), por rusët arritën të përgjigjen duke barazuar përmes Mario Fernandes në pjesën e dytë të vazhdimeve (115′) dhe gjithçka u vendos përmes penaltive.
Kroacia, e cila tani do të përballet më 11 korrik me Anglinë, fitoi në penalti me rezultat 3 me 4.
Mario Fernandes dhe Fedor Smolov dështuan me goditjen nga pika e bardhë te rusët, ndërsa Mateo Kovacic ishte lojtari që nuk u tregua i saktë te kroatët./arbresh.info/
Është gjetur edhe vetura e dytë, e cila ishte vjedhur në fsh...
Vitia: Modernizimi i hapësirave spitalore po vazhdon, janë k...
Ursula von der Leyen nesër në Prishtinë, pritet nga kryemini...
Kryesia e Kuvendit të hënën me mbledhje, në rend dite projek...
“Nxënësit po përgjumen”, mësuesja në Tiranë alarmon se po pë...
“Përfitoi 40 mijë euro”, Gjykata merr një vendim për personi...